Se as pedras falaran …

Dende hai máis de dez anos, o IES “Campo de San Alberto” ten implatados os tres niveis de ensinanzas de persoas adultas.

Os niveis I e II , son cursos preparatorios para acadar as competencias e destrezas básicas que permitan seguir os estudos no terceiro nivel é dicir, no graduado en secundaria para adultos. Nestes niveis están matriculadas persoas con idades comprendidas entre os 18 e os 85 anos; maioritariamente xubilados, mulleres e rapaces que non acadaron os obxectivos da educación primaria.

O alumnado do nivel II está a participar nun proxecto europeo GRUNDTVIG xunto con Institutos e organizacións de persoas adultas de Madeira (Portugal); Nápoles (Italia), Volos (Grecia) e Ballina (Irlanda).

Co proxecto “Somos diferentes, somos parecidos, somos europeos”, preténdese poñer de manifesto as semallanzas e diferenzas entre os diversos países participantes a través de aspectos tan distintos como refráns e ditos populares, karaokes con cancións tradicionais, remedios mediciñais ou as pedras con historia.

“Se as pedras falaran” é una parte deste traballo que inclúe o estudo de laudas, petroglifos, hórreos, cruceiros, fontes e lavadoiros que seguro que teñen moitas cousas que contarnos do noso pasado.

Coa axuda das novas tecnoloxías, o alumnado do nivel II realizou pesquisas e recopilou información sobre o noso patrimonio, con iso están a realizar una serie de linóleos, pirograbados, bordados, debuxos etc co obxectivo de facer una exposición itinerante polos países que participan no proxecto.

O primeiro paso deuse o pasado mes de marzo na Illa de Madeira; alí foi levada e inaugurada a primeira parte desta exposición e durante este tempo está sendo exposta en varias localidades da Illa.

No mes de xuño, levarase a Ballina (Irlanda) cos traballos máis recentes. Para o vindeiro curso está previsto viaxar a Volos (Grecia), Nápoles (Italia) e, en xuño do 2012 todo o traballo feito no proxecto será exposto no Coliseo Noela.

Ata entón, as pedras falaron e decidiron convertirse en camisetas…

camiseta-laudas-1_240 camiseta-laudas-2_240
camiseta-laudas-3_240 camiseta-laudas-4_240

Suso Montero, profesor de educación de adultos.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s