Marcha atrás na normalización


Neste curso, o mantemento do sistema informático do centro pasou de estar a cargo de persoal docente a un contrato cunha empresa privada.

O meritorio afán do novo equipo directivo para fornecernos dun espazo de traballo agradable e funcional deu moi bos resultados: hai máis ordenadores na Sala de Profesores, co cableado moi xeitoso, as impresoras funcionando ben, e mesmo a posibilidade de conectar outros equipos á rede desde unha das mesas, a máis do de facelo mediante a wi-fi.

O problema é o cambio dos sistemas operativos. Antes tiñamos un ou dous ordenadores con sistemas GNU-Linux, e o resto con Windows®, e todos en galego, tanto os OS como os diversos aplicativos. Agora todos os ordenadores funcionan unicamente en Windows® en castelán, e todos os aplicativos están en castelán; mesmo as versións prehistóricas de Firefox e de Open Office que estes novos mantedores do sistema informático tiveron a ben instalar en Windows®, están en castelán.

Isto no que se refire á Sala de Profesores. Nas aulas O Cambio comezou máis ás agachadas. Como no proxecto Abalar, comezando polos niveis inferiores:

Unha mañá calquera, estaba eu tranquilamente co meu alumnado de primeiro de ESO, cando chegaron os de mantemento e pediron permiso para entrar, entraron sen me dar tempo a contestar e puxéronse a facer o seu traballo. O equipo da aula tiña o sistema operativo Galinux con todos os aplicativos en galego. Cando saíron o equipo estaba igual que os da Sala de Profesores: sistema operativo Windows® en castelán e aplicativos extras, como o Firefox e o vello Open Office tamén en castelán. E así segue despois de varios meses en el aula de primero de la ESO. De momento non teño coñecemento de que esta estratexia para derribar o traballo feito nos anos anteriores teña sido aplicada a outras aulas.

E por último, a Biblioteca: O ordenador da mesa do bibliotecario de turno agora funciona con Windows®-7®, en castelán, por suposto. Os ordenadores para os alumnos de momento conservan o Galinux e os aplicativos en galego.

A dirección prometera arranque dobre en todos os ordenadores, e aínda estamos á espera. De pasar todo a castelán nunca dixo nada.

por Carlinhos

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s